Түпқараған ауданында «Каспий жылу, су арнасы» МКК-ның өтінімі бойынша жария тыңдау өтеді

ҚР ҰЭМ Табиғи монополияларды реттеу комитетінің Маңғыстау облысы бойынша департаменті «Каспий жылу, су арнасы» МКК-ның Ақшұқыр және С.Шапағатов елді мекендеріне суды таратушы желілері арқылы беру реттеліп көрсетілетін қызметіне тарифті және тарифтік сметасын оңайлатылған тәртіппен бекіту бойынша келіп түскен өтінімі бойынша жария тыңдау өткізеді.

Жария тыңдау  2024 жылғы  06 наурыз сағат  11.00-де Түпқараған ауданы, Ақшұқыр ауылы, Балжан Кожашева 5/1, Мәдениет үйінде өтеді.

Сонымен бірге, жария тыңдау параллельді түрде онлайн режимде  Facebook әлеуметтік желісіндегі Департаменттің ресми парақшасында көрсетілетін болады (https://www.facebook.com/profile.php?id=100051930454400). 

Департамент мәслихаттардың депутаттарын, жергілікті өзін-өзі басқару органдарының, мемлекеттік органдардың, тұтынушылар мен олардың қоғамдық бірлестіктерінің өкілдерін, тәуелсіз сарапшыларды, бұқаралық ақпарат құралдарын және өзге де мүдделі тұлғаларды жария тыңдауға қатысуға шақырады.

Департаменттің байланыс телефондары: 8(7292) 42-16-20, 43-84-11.